Главная » 2012 » Январь » 17 » Հիվանդ եք, թե ոչ կախտորոշի բջջային հեռախոսը
18:11 Հիվանդ եք, թե ոչ կախտորոշի բջջային հեռախոսը |
 Շուտով հնարավոր կլինի շնչառական հիվանդությունները ախտորոշել բջջային հեռախոսների միջոցով: Ամերիկացի և ավստրալացի գիտնականները հատուկ ծրագիր են մշակել, որը թույլ կտա հիվանդներին հազալ իրենց բջջային հեռախոսների բարձրախոսների վրա և այդպիսով պարզել, թե արդյոք նրանց մոտ առկա է գրիպ, թոքաբորբ կամ այլ շնչառական հիվանդություն: Մասնագետները պարզաբանում են, որ հազի տեսակը` "չոր" կամ "թաց", "արտադրողական" կամ "ոչ արտադրողական", կարող է օգնել բժշկին ախտորոշել հազի ծագման պատճառը: Օրինակ` ըստ հազի տեսակի կարելի է ախտորոշել արդյոք այն առաջացել է բակտերիալ, թե վիրուսային ինֆեկցիայի պատճառով: Առողջապահության բնագավառի աշխատակիցները տարբերակում էին հազը ըստ իրենց լսողության: Այժմ արդեն ստեղծվել է հատուկ ծրագիր, որը հնարավորություն կտա հիվանդներին խնայել իրենց ժամանակը և նախապես, մինչ բժշկին այցելելը, արդեն իսկ տեղյակ լինել իրենց շնչառական խնդիրների մասին: Նոր ծրագիրը թույլ կտա համեմատել հիվանդի հազը բազայում առկա հազի նմուշների հետ, որոնք վկայում են այս կամ այն շնչառական հիվանդությունների մասին: Մասնագետները լավատեսորեն են վերաբերվում նոր ծրագրին: Նշենք, որ ծրագրի մշակման համար 100 հազար ԱՄՆ դոլար հատկացվել է Բիլլ և Մելինդա Գեյթսերի ֆոնդի կողմից: Սպասվում է, որ այս ծրագիրը հատկապես արդյունավետ կլինի զարգացող երկրներում ներդնելու համար, որտեղ բարձր է մանկական թոքաբորբով տառապողների թիվը: 
|
|
Դիտումներ: 398 |
Ավելացրել է : viphay
| Վարկանիշ: 0.0/0 |
|
