45-ամյա նիժգորոդցի գերեզմանագետ (նեկրոպոլիստ) Անատոլի Մոսկվինը քանդել-հանել է մահացած մարդկանց մարմինները` իր հավաքածուն նրանց ոսկրերով համալրելու համար: Նրա 3-սենյականոց բնակարանում ոստիկանները հայնաբերեցին միանգամից 26 դիակ: Բոլորը` 15-25 տարեկան աղջիկներ: Դիակների կմախքացած վիճակն արդեն խոսում է, որ դրանց վաղմության մասին: Ըստ էության, ոստիկանությունը չորացած դիակներ է հայտնաբերել, բոլոր դիակներն էլ գեղեցիկ հագուկապով են զարդարված եղել: Տան ցնդած տերն իր բնակարանը վերածել է դամբարանի, իսկ ամնահետաքրքիրն այն է, որ բնակարանը գտնվում է քաղաքի կենտրոնում` Լենինի պողոտայում: Տղամարդն իր սահմռկեցուցիչ «հոբիով» զբաղվել է գիշերները: Նա թանձր խավարի ներքո սողոսկել է գերեզմանատուն` իր հետ վերցնելով թի , ու քանդելով հանել վաղեմի մեռելներին: Պարկի մեջ է հավաքել մարդկային ոսկրակույտն ու քարշ տալով տուն բերել: Նրան ոստիկանությանն են հանձնել սեփական ծնողները: Երբ նրանք ամառանոցից վերադարձել են տուն, սարսափել են տղայի զբաղմունքից: Պարզվել է, որ Մոսկվինը Ռուսաստանի միակ նեկրոպոլիստն է: Նա քնել է դագաղների մեջ, խմել անձրևափոսերի ջուր: Ոմանք նրան հանճար են համարում: Նա տիրապետում է 13 լեզվի:
|